Juan Díaz Canales

Madrid, 1972

Dende moi pequeno cultiva a súa afección á historieta, e aos 18 anos entra a traballar en Lápiz Azul, estudio de animación onde coñece a Juanjo Guarnido.

mentres cursa os seus estudios en Belas Artes, nace o proxecto “Blacksad”, e en 1996 funda Tridente Animación, sociedade na que permanece ata o seu peche en 2006.

Actualmente alterna o seu traballo como debuxante e supervisor de layouts en series de TV e longametraxes de animación como “Os tres reis magos”, “Astérix e os vikingos”, coa súa exitosa labor de guionista en “Blacksad”.

Fernando Iglesias

Vilagarcía de Arousa, 1967

Hacia 1987 abandona a carreira de dereito para adicarse profesionalmente ao debuxo. Aínda que traballa na publicidade e ilustración, considérase sobre todo debuxante de cómics, e desenvolve dende 1990 unha apabullante obra gráfica case sempre da man do guionista Carlos Portela.

En 1991 publica “O voo da cometa” en Zona 84 (Toutain Editor) tras gañar o premio Ourense, e “Siemprilunio” na revista Injuve.

En 1993 e 1994 publica a súa obra quizais máis coñecida a nivel nacional: “Impresiones de la isla” (Camaleón Ediciones), que lle conferiría a nominación de Autor Revelación e Mellor obra no Salón do Cómic de Barcelona.

Continúa publicando con Camaleón Ediciones e Portela con “Kami Seeds” xunto a Victor Rivas, e “Gorka” en 1998 xunto a Sergi Sanjulián.

Ademais realiza diversas colaboracións para as revistas Compostelán, Elipse, NSLM, e o Consejo de la Juventud de España.

De 1999 a 2007 ven publicando no Diario de Pontevedra, e dende 2001 desenvolve a súa labor como humorista gráfico baixo o seudónimo de Orballo, sen deixar de colaborar esporádicamente con historias curtas en diversas revistas e fanzines como Dos veces breve, Bdebanda, Barsowia...

Kenny Ruiz

Alicante, 1980

Iníciase moi xove no mundo do cómic, e xa en 1994 funda o taller Proyecto Cómic e o fanzine do mesmo nome no que participa ata o día de hoxe.

En 1998 trasládase a Granada onde cursa Bacharelato Artístico mentres participa en múltiples concursos de cómic, obtendo diversos premios como o Primeiro premio no concurso de “Relatos Bárbaros” organizado pola editorial Planeta deAgostini en 1998, o Premio xóvenes talentos da Escola de Cómic Joso en 1999, e o Primeiro premio do concurso de tiras cómicas do Diario Avui e a Generalitat de Catalunya en 2001.

Axiña comeza a publicar a súa obra, e en 2000 publica o seu álbum “O libro das tentacións”.

En 2001 comeza a colaborar na revista Dibus (Norma Editorial)

En 2003 publica “Crónicas de Mesene. Periplo” para a editorial Dude Cómic e “El Cazador de Rayos. Esperanza.” para a editorial Dolmen, e Paquet editons en Francia.

En 2004 publica o álbum “Barcelona”, tamén para Dolmen e Paquet, e en 2005 “El Cazador de Rayos. Responsabilidad”. Este ano é nominado como Autor Revelación no Salón do Cómic de Barcelona e gaña os premios do público a “Autor revelación, “mellor guión”, e “mellor obra”.

Ata hoxe foi profesor na escola Joso e participou en diversos proxectos, revistas, eventos e exposicións de cómic, alternando a súa labor de autor con múltiples traballos como ilustrador en revistas e publicidade, e reseñables incursións na animación (Disney Corp. e Salvador Simó en “el Cid, la leyenda”). E non fixo máis que comezar...

Juanjo Guarnido

Granada, 1967

A finais dos anos 80 comeza a súa carreira profesional realizando ilustracións de superheroes Marvel para Forum (Planeta deAgostini). Nesta época intenta o salto a Marvel UK, así como ás principais editoriais USA sen éxito, polo que decide traballar como debuxante na industria da animación.

A principios dos 90 alterna as súas colaboracións en Forum coa realización de layouts e storyboards para proxectos como “Tintín”, “Sonic” e “A pantera rosa” nos estudios madrileños Lápiz Azul e Milímetros.

En 1993 trasládase a París para traballar en Disney nas longametraxes animadas “Goofy e fillo”, “O xorobado de Notre-Dame”, “Hércules”, “Tarzán”, “Atlantis”...

En 2000 volve pola porta grande ao cómic coa publicación en Francia de “Blacksad”, saga que lle reportou o recoñecemento da profesión, e que se convertiu nun best-seller internacional. Xa son tres os títulos publicados e a colleita de premios segue crecendo.